Aaj se hajaaro saal pahle ki
kahani hai. Us jamaane me jabaan ki kimat hoti thi. Koi documents yaa paper
work nahi hota tha. Vikram aur hari do mitra the aur dono hi pahalwan bhi the. Lekin
Vikram jyada tagda tha aur har baar hari ko maat deta. Vikram ke man me koi
dwesh bhavana nahi thi magar Hari ko ye baat chubhti thi. Hari Vikram se badla
lena chahata tha aur hamesha mauke ki talaash me rahta. Ek din Vikram ko 500
sone ke sikko ki jaroorat padi aur vo Hari ke paas gaya. Hari ne kaha me tumhe sikke
ek mahine ke liye hi de sakta hu. Vikram ne kaha thik hai bhai ek mahine
me vapas kar dunga. Hari ne kaha agar nahi kar paye to me tumhaare sareer se 50
kilo maas nikalunga. Vikram ne socha Hari mazaak kar raha hai isliye usne haa
kar di aur vaise bhi Vikram ko agle mahine 1000 sone ke sikke milne vale the.
Kisi vajah se Vikram ek mahine me sikke pure nahi kar paaya aur use milne vale
1000 sikke muddat puri hone ke ek din baad mile. Jab Vikram hari ke paas gaya
to Hari ne kaha ek mahina ki baat hui thi ab me tumhare sareer se 50 kilo maas
nikalunga. Vikram ne bhaap liya ki Hari ab mazaak nahi kar raha isliye usne kaha tumne to mazaak me kaha tha. Hari ne kaha maine jo kaha tha tum usse sahmat hue the aur tumne jubaan di thi. Vikram ne kaha tum 500
ki jagah 1000 sikke rakh lo. Hari nahi maana.
Vikram ne kaha agar tumne 50 kilo maas nikala to me mar sakta hu. Hari
ne kaha
me kuch nahi jaanta tumne jabaan di thi. Tabhi ek aadmi jo in dono ki
baat sun raha tha usne kaha ki tum dono ko Raja ke paas jana chahiye
vahi nyaay kar sakte hai. Dono
raja ke paas gaye aur puri baat batai. Raja asmanjas me the ve nahi chahate the ki itni si baat ke liye kisi ki jaan jaye par yadi ve Vikram ke paksh me faisla sunate to uske Raaj me jubaan ki kimat nahi rahti aur log jubaan di gayi baat se palat jaate. Isliye Raja ne kaha Vikram ne jabaan di thi to use apna 50 kilo
maas Hari ko nikalane dena hoga aur aaj se 10 din baad isi Raj
darbaar me Hari vikram ke sareer se maas nikalega. Raja ne Vikram ko bachane ka
kaam apne buddhimaan Mantri ko de diya. Mantri ne Vikram ko bachane ke liye din
raat mehnat ki par use kuch samaj nahi aa raha tha ki kya kare. Saare raste
bandh dikhai de rahe the. Mantri ne haar nahi maani aur vo Vikram ko bachane ke
bare me sochta raha.Das din ka waqt bit gaya,Vikram aur Hari
dono Raj darbaar me hajir huye. Mantri ne Hari ke haath me chaku
pakadaaya aur kaha tum maas nikal sakte ho. Raja aur baki sabhi darabaari dukhi
the kyoki vo Vikram ke liye kuch nahi kar paa rahe the. Lekin jaise hi Hari Vikram ke paas pahocha Mantri ne kaha ruk jao tumhaare aur Vikram ke bich maas
nikalne ki baat hui thi to keval maas hi nikalna chahiye, Khoon ki ek boond bhi
nikli to tumhaara sir kaat diya jayega. Hari samaj gaya uski daal nahi galne
vaali aur usne Vikram aur Raja se mafi mangi. Raja ne use chetavani de ke chhod diya. Raja
ne Mantri ki budhhi chaturya ki prasansaa ki aur 10000 sone ke sikke inaam me
diye.
Morale:- Har muskil kaa hal
hota hai. Hame sirf use dundhna hota hai.
Each and Every problem have
solution we have to just find it.
==============================
==============================
